GWEINIDOGION Y DU SY'N GWEITHREDU MEWN MEYSYDD DATGANOLEDIG
014 - Rheoliadau Llygryddion Organig Parhaus (Diwygio) (Ymadael â’r UE) 2022 Dyddiad gosod yn Senedd y DU: 19 Hydref 2022
Sifftio
Yn destun gwaith sifftio yn Senedd y DU?	Na
Y weithdrefn:	Cadarnhaol drafft
Dyddiad trafod gan Bwyllgor Offerynnau Statudol Ewropeaidd Tŷ'r Cyffredin	Amherthnasol
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Amherthnasol
Dyddiad y daw'r cyfnod sifftio i ben yn Senedd y DU	Amherthnasol
Memorandwm Cydsyniad Offeryn Statudol (SICM) o dan Reol Sefydlog 30A (oherwydd eu bod yn diwygio deddfwriaeth sylfaenol)	Dim angen
Gweithdrefn graffu
Canlyniad y broses sifftio	Amherthnasol
Y weithdrefn	Cadarnhaol drafft
Dyddiad trafod gan y Cydbwyllgor ar Offerynnau Statudol	Anhysbys
Dyddiad trafod gan Bwyllgor Offerynnau Statudol Tŷ'r Cyffredin	Anhysbys
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Anhysbys
Y cefndir Bwriedir i'r Rheoliadau hyn gael eu gwneud gan Lywodraeth y DU o dan adran 8(1) o Ddeddf yr Undeb Ewropeaidd (Ymadael) 2018, a pharagraff 21 o Atodlen 7 iddi. Crynodeb Mae Llygryddion Organig Parhaus (POPs) yn sylweddau cemegol gwenwynig sy'n dadelfennu'n araf ac yn gallu mynd i mewn i'r gadwyn fwyd o ganlyniad. Mae DDT yn enghraifft o Lygrydd Organig Parhaus. Mae’r Rheoliadau hyn yn diwygio Rheoliad (EU) 2019/1021 a ddargedwir Senedd Ewrop a’r Cyngor ar Lygryddion Organig Parhaus ("Rheoliad POPs a ddargedwir"). Pan gafodd diffygion yn y Rheoliad Llygryddion Organig Parhaus a ddargedwir eu cywiro er mwyn iddo weithredu’n effeithiol mewn cyfraith ddomestig ar ôl Ymadael â’r UE, gwnaed tri gwall. Mae’r Rheoliadau hyn yn cywiro’r tri gwall hynny drwy: 1. Ddileu dwy o swyddogaethau’r Comisiwn Ewropeaidd, a rhoi swyddogaethau’r awdurdod priodol yn eu lle (yng Nghymru, Gweinidogion Cymru yw’r awdurdod priodol). 2. Ailsefydlu cyfres o eithriadau a gafodd eu hepgor mewn camgymeriad. 3. Hepgor dwy ddarpariaeth nad ydynt yn angenrheidiol oherwydd nad oes ganddynt ddim effaith gyfreithiol. Bydd y newidiadau hyn yn sicrhau bod Prydain Fawr yn cydymffurfio â'i chyfrifoldebau o dan Gonfensiwn Stockholm, sy'n ceisio gwahardd, dileu neu gyfyngu ar gynhyrchu a defnyddio Llygryddion Organig Parhaus. Datganiad gan Lywodraeth Cymru Mae Cynghorwyr Cyfreithiol y Senedd yn cytuno â'r datganiad a osodwyd gan Lywodraeth Cymru dyddiedig 20 Hydref 2022 ynghylch effaith y Rheoliadau hyn. Cytundeb Rhynglywodraethol ar Fil yr Undeb Ewropeaidd (Ymadael) Mae'r crynodeb uchod a chynnwys y Memorandwm Esboniadol i'r Rheoliadau hyn yn cadarnhau eu heffaith ac i ba raddau y byddai'r Rheoliadau hyn yn deddfu polisi newydd mewn meysydd datganoledig.